2019年7月16日 星期二

網上轉載文章, 非常深得我心

今朝睇到呢個post, 長得嚟全中point。 我俾100分👍😆

 網上轉載 

致年輕的朋友

你的新聞自由不包括無線電視
你的言論自由不包括異見市民
你的人權不包括影到你相的路人
你的法治不包括破壞公物示威者
你的正義不包括和平
你的民主是你自己做主

你聲稱要保衛的是犯法的義士
你認為所有的問題都是政府衰
你要給犯罪者特赦
你要讓執法者坐監

為了你心中的公義
馬路可以堵
火車可以攔
欄杆可以拆
地磚可以起
路牌可以掉
牆壁可以花

對警察,你恨之入骨
你可以打警察,因為是自衛
警察不能使用武力,否則是黑警
你可以唔俾身分證,因為有人權
警察必須有委任證,要方便投訴
警察不應該進入大商場執法困獸鬥
警察更不應該退出立法會擺空城計
有事要搵警察,因為佢地好快就到
無事可以鬧警察,因為佢地有出糧

有政客幫你掩護
有傳媒幫你美化
有社工幫你輔導
有老師幫你放假
有律師幫你開罪
有基金幫你外逃

你認為廢中廢老只是收錢做嘢
你覺得老邁父母根本不了解事實
你以為自己是為了公義,為了香港
一直義無反顧向前衝以致無法輓回

但當有一日
你走在異國他鄉的街頭
聽到當地人歧視的恥笑
回憶起被你搞亂之前的香港
想起遠方的親人
霎時百般滋味在心頭
雙眼不由得布滿淚水

圍新鴻基詢問處有咩用?
新地根本唔需要買任何人「怕!」
你可以唔買新地樓,
唔坐九巴,唔用數碼通,唔行大欖隧道,
揸車唔好泊入Wilson停車場、唔去一田,
甚至唔行新鴻基商場的,
不過你嘅人生會無咗沙田新城市廣場、Element、觀塘APM、旺角新世紀廣場、銅鑼灣世貿中心、東港城、大埔超級城、葵芳新都會廣場、元朗YOHO  Mall之類啦…

就等於杯葛TVB廣告客戶一樣,
連老麥、翠華、KFC都唔好食,
可口可樂、藍妹都唔好飲,
更加唔好幫襯匯豐、恒生、揸打...
沒有最柒,只有更柒。

2019年7月14日 星期日

除左驚,只有無奈!

上年dr ng的未日預言,我都喺度食住花生笑佢, 估唔到貿易戰都整唔死香港,而家比D廢青整死左。

我自問呢廿幾年都貢獻咗好多比香港, 其實所有嘢都係好多人一齊努力建設出嚟,而家班廢青乜都冇做過,書都未讀完就話出嚟話事,我想問佢地有乜資格呢?

呢兩日都有留意下啲父母同兒子啲對答:

1. Lunchtime一個後生仔同阿媽一齊等小巴, 係正我後面。跟住個阿媽話咁多人等van仔,不如就咁喺呢度食算啦,唔好專登搭車出旺角。跟住阿後生仔話呢度D野唔好食,旺角好食D。跟住阿媽就鬧佢,都冇未開始搵錢,已經識洗錢。仲要係樣樣享受最好!

2. 我同朋友同埋佢個仔一齊茶餐廳食飯, 佢個仔點的是歺牌上最貴嗰樣嘢。 講緊set lunch有70 80 90 100蚊,佢就揀咗100蚊。其實我自己都唔捨得食100蚊嘅,我都揀咗70蚊嚟食,跟住佢阿媽就鬧佢唔可以揀最貴, 未開始搵錢就識洗錢。

香港嘅情況就係咁,啲人比屋企縱到壞曬,出到嚟做嘢覺得個生活質素仲差過以前讀書嗰陣時,就覺得好不滿。 我其實都明白呢個反差係好痛苦,比我都想唔做嘢,返埋阿媽嗰度。 出嚟做嘢又要畀人鬧又畀老細鬧,又畀啲大人指指點點。仲要個生活質素差過讀書嗰時。我都會反叛或者反抗。 所以我覺得大人其實都有責任,縱壞咗佢哋,同埋太過顺佢哋意,畀佢哋咁樣兜口兜面鬧或者出言侮辱都任佢。

其實講咁多嘢都係冇谓㗎啦,我係想講話香港應該玩完, 而家啲人逢中必反,中立少少都畀人哋剷爆 ,所以我要開始變賣資產㗎啦。 我直情覺得而家係文化大革命。 再玩下遍地開花呢,搞到失業率上升,都唔知邊個可以救到大家了!

我已經post梗啲嘢上網賣了😓😓 最慘係連唯一嘅 嗜好(就係去睇樓)都冇埋,因為根本唔會再買樓。 再買都唔買香港😞😞


2019年7月10日 星期三

小試牛刀,買入黃金,避一避險先😅😅😅

自問是黃金白痴,多得好blogger 的網誌,我開始慢慢自學。今日(遲左小小,今日升左😩😩)買入了小小紙黃金,明天會再去買D實金,但求分斷吸納一下。

本人"財"疏學淺,敬希指教!

另外又忍吾住入了票抽龍床盤,但求買到173萬那個單位。

其實我都知不宜買納米,但看完現樓又幾中意,有小小中毒😵😵😵

如果抽到,當買個車位吧!😣😣😣


2019年7月7日 星期日

政局不穩, 香港亂糟糟, 經濟唔知會點, 我唔敢遞信!

而家玩遍地開花,又玩阻咗q人哋返工,我係遊客都唔q嚟香港啦!投資我都hold住先啦!

香港人自己玩死香港, 我從來未見過咁弱智嘅事!
我覺得星加坡係呢單嘢嘅最大得益者囉,你話星加坡幾好呀, 你行出嚟示威即刻的咗你走呀 ! 咁樣政局穩定經濟先會有發展 !

我諗啲班後生仔未試過03年沙士嗰陣時,  其實咁樣搞到香港變咗死城有乜謂呢?經濟所有嘢都一步步嚟,經濟繁榮咗先慢慢會有民主, 因為民生緊要個民主好多。 你唔食飯都得唔得呀?

講返沙士嗰陣,啲經濟差到,啲舖頭全部冇人行,跟住個個都驚失業, 楼都驚供唔到落去,今日唔知聽日事,全部人都冇曬希望, 呢啲先叫做絕望呀唔該。

當年我喺大快活大家樂見到大量嘅人食二手飯,好多人畀人炒咗唔敢同屋企講,就坐喺快餐店坐到放工返屋企,你話呢個情況幾恐怖呀!

講真啦經濟繁榮唔係一個老奉㗎,失業率咁低都唔係老奉,係大家喺背後努力製造出嚟㗎,你一個唔該就摧毀曬佢! 你仲要係之前無contribute 過添!

仲有就係呀你有冇顧過我感受㗎,你一小撮人行出嚟,我冇叫你行出嚟幫我!我喺隔離好擔心我個飯碗嘅時候,而家你一粒老鼠屎整煱曬一鍋粥喎,咁你對我有公平咩? 可唔可以自己整死自己算啦,唔好搞到人哋呀?我係無辜㗎喎!

所以我成個六月都唔敢遞信,就係咁解囉!我驚我失咗業之後, 經濟差! 我真係唔敢退休喎!

2019年7月6日 星期六

無知便是罪,一國兩制正在被人摧毁!

請看完我下面條link, 鄧小平論香港的全文, in 1987年。 佢原本的構思是永遠的一國兩制。
原文:
http://www.locpg.hk/zyzc/2001-10/01/c_125991422_9.htm

當年鄧小平用心良苦,整左個一國兩制出来,無非是為了國家的安定繁榮,出發點是想香港作出一個完美的示範比澳門台湾看,從而统一中國领土。

作為一個示範,中國㸃會想破壞一國兩制呢?

在1987年,如果有返過大陸的,一定知道中國經過甘多年的内憂外患,已經一窮二白,那時人均生产總值才几百美金一年。一個甘窮的國家,知道只有政局隱定才可有經濟發展。 所以五十年不變係佢嘅一個承諾,如果所有嘢都如佢所想那麼繁荣那麼美好那麼穩定,根本他覺得沒有必要變,50年之後會keep這個一國兩制下去。

他這個智慧老人, 看東西這麼透切,even過咗三十幾年,  我覺得佢講嘅入面嘅內容都係好啱.
佢嘅預知能力,透視能力,我直情覺得拍爛手掌.

他最後的兩段,令我在現在的情況下更深切體會到,亦都明白他的為香港人著想,為全中國人民利益著想的決心,我很佩服。




 

2019年7月1日 星期一

香港甘亂,搅到我訓吾着。 裏面有我嘅政治立場,不喜勿看

其實示威者想点呢?是否想香港收皮呢?

首先,经過尼几次示威,香港已变了國際笑话。正常外國人,都hold 住來旅游或來投资。

香港冇自由?我反而覺得香港太自由。D学生罷课上街又得。小小年纪,應该讀多D書,才可明辨是非。不是應该甘早就自己决定上街。如果心智成熟,就不用等十八歲至算成年人吧! 香港的言論自由更過分,日日將特首鬧到暈,字眼極度侮辱性,我覺得直情係過左極限。

大家要明白,香港回歸中國已是鐵一般的事實,五十年不變只是鄧小平有能力預测範圍入面最高嘅承諾,如果香港可以在在國際上示範一個完美的一國兩制,我相信中國亦都好樂意50年100年甚至200年不變. 大家要明白香港係一國兩制, 大家只著眼於兩制,有冇諗過其實一國行先?

其實大家個反應咁大,都係驚咗回歸中國。但係其實已經回歸咗㗎啦,你而家咁反抗係咩意思啫?其實你如果咁驚中國,你應該離開香港,因為香港係中國嘅一部分 唔好ff幻想你鬧兩下,香港忽然間就唔係中國嘅一部分,sorry, 呢樣嘢係唔會發生嘅!
我再重申一次:
如果你真係咁驚中國,你只可以選擇離開,因為香港係中國嘅一部分!

我想問下大家, 一個成日扭計成日唔乖嘅小孩, 比起一個乖嘅小孩, 父母會錫邊個多啲? 我覺得香港就係成日喺度喊嘅crying baby,成日扭計要攞糖食. 中國有咁多個城市, 點解要特別寵愛香港呢?人嘅耐性係有極限㗎,點解成日我哋都要挑戰我哋祖國嘅對香港嘅耐性呢?

作為一個土生土長嘅香港人,我非常之爱香港,香港係我嘅根,我唔想見到佢日日亂糟糟,跟住啲外資要撤資,經濟一厥不振,跟住中國就放棄咗香港。以下故事表明咗我個心聲,我係好愛香港。
而家我就係見到有人,口中說愛香港,但是就要將香港劈成兩半!

所羅門設法  辨認真媽媽

所羅門要決定應該把孩子交給那一個婦人。他沉思了一會,叫人拿來一把刀,命令身邊的人說:「將孩子劈成兩半,一半給那婦人,一半給這婦人。」聽到這個裁決,其中一個婦人立刻哀求說:「大王,千萬不可把孩子劈開,請你把他交給另外那婦人吧,讓孩子活着!」另一個婦人卻說:「大王,這孩子不歸我,也不歸她,把他劈開吧!」所羅門聽了,立刻斥退這不顧孩子死活的狠婦,將嬰兒交給寧可讓出孩子也要讓他活着的婦人,因為愛護孩子的才是真媽媽。

2019年6月30日 星期日

香港之亂後,看看台湾可否作為退休之所

請容忍以下多簡体字,因新買手机,不太懂set😅😅😅

寫呢篇文嘅時候我正在台灣機場等返香港, 我本來預計星期二resign, 星期三就放annual leave, 去台灣玩五日. 點知我個人真係冇吉屎, 我冇照原来計劃遞信原因有3:

1. 因為啱啱我老細畀我轉distributor, 我拿拿聲想幫公司cut鬼咗舊嗰個垃圾distributor 轉一個新的。新的那个是我舊同事介绍,我想幫他一陣才走。如果我走,老细一定不会现在轉distributor, 费事同一時間甘多改变。
2. 收到bonus, 比預期少一半,我的退休计劃失了小小預算😩😩冇甘鬆動的retire😟
3. 人工加了小小,以全球经济甘不安來講,算不錯。每月可以食多几次buffet.

我今次來台北,有小小原因是想看一下可否將來退休長住,但我觉得有点難度

1. 台北D经济不好,感觉好慘情,大商場冇人買野,好多时D人都等超级大減價至買。Watsons 康士美長期85折都冇乜人買。
我來台北at least廿次,十分熟,之前老细是台湾人,所以对台湾的人情世故熟到爛。
今次來發现台車(台北車站)附近多了很多乞丐,比我上年十一月來更多。他们附近街頭小便,吓了我一跳!
台車是台北的轉車中心,我想不到会这样恐怖!

所谓的小確幸,人工在台湾真的好低,以下為台幣,歺廳的经理级年薪由港币25萬起。





















因为台湾经济一潭死水,年青人更難向上流。我shopping 吃饭時接触到的服务生,多是年轻人,D態度比以前差了很多。以前我去台湾,觉得多了人情味,大家都彬彬有礼。今次感覺差很多!很多都是黑口黑面,有些比香港茶餐廳的服务更差。


2. 台湾房價不漲。我看均全世界,只有香港的楼是如此值得投资吧?長期不夠供應,亦背靠祖国,位置优越。其他國家地多人少,地多多都有,有時買了也不易租出,or 租金偏低。而且out of HK, 30 年mortgage 亦冇乜可能。所以,買台北樓好嗎?我有些懷疑。
我的台北舊同事,之前细屋換大屋,花了整整一年才賣到舊屋。所谓的舊屋也只是十年樓齢,交投十分不活躍。我問她為何不租出去,她说只能大蓋租到hkd5000, 太少了,所以寕願賣。她的舊房子很大,我都参觀過,大蓋有一千呎,很新,在林口區,只賣了hkd300萬。她持貨5年以上(我忘了多少年),大蓋Hkd200萬買入,賺了50%. 但近年台北樓已不大升,再賺就有困难了。我相信自住会有人買,收租就不会買了。
如果老了想到台湾退休,冇自置物業会是件難事:

台北住甚麼(一)】台灣「下流老人」租屋難 房東怕死在單位樓價跌「香港人不要來養老」

https://hk.lifestyle.appledaily.com/lifestyle/realtime/article/20190608/59688139

3. 我最最最最讨厭,當台湾人知道我是香港人,就会大叫:香港加油!再加肢体动作💪

香港好得很,有食有住,人人豐衣足食,加什麽油!我不是北非或戰亂地區出來的,好不好?

我觉得台湾才要加油吧?


2019年6月22日 星期六

辭職倒數兩日,問候了老細😱😱😱

其實做呢份工我已經喊咗無數次,我都未試過做份工激氣到咁樣!

總之就係我遇上一個無能嘅distributor, 跟住我夾喺中間, 而我公司back up 又唔夠.

我公司的email communication 文化
我老細係亞太區既president, 佢一個人管20個國家根本就唔得閒理我,我公司啲人全部overloaded. 所以我公司有個culture, 就係D人
1. 唔睇email
2. 睇email都係睇第一行
3. 一係就唔覆
4. 一係就覆你,但係全部問你嘅嘢都係你一早寫好咗係email入面嘅!

因為我老細一直以来的practice 都是以上其中一款, 所以增加咗我好多workload, e.g. 佢唔覆email,我要send十個reminder畀佢, 或者佢問啲問題,我在email 一早寫左,但佢冇睇。所以我又要reply 佢解释。

我覺得係有少少叫做屈我,因為我明明寫得清清楚楚有曬analysis, 但係又話你都冇分析過, 一句就抹殺咗我所有做過嘅嘢! 只~因~佢~冇~睇~email !


昨天吵大獲
昨天和他講電話,他也是一句得埋黎話我冇寫清楚,跟住我就火都嚟埋,覺得好委屈,即刻鬧爆佢,我話我個email你可唔可以睇曬先!我一早全部寫曬出嚟!唔該你睇晒每一個字每一個sentence先好問我😡😡😡😡😡

跟住我再爆埋佢樽話我有個email send咗十次畀你,而你從來冇覆過!我話真係嬲到爆炸!我真係鬧死咗佢! 一路鬧一路爆喊😣😣😣😣

他的弱智解释
跟住佢解釋話佢一日收200個emails, 佢根本冇時間睇曬佢,佢話講左就唔使再send email confirm,咁我就話喇,講咗都可以㗎咩?嗰啲入面全部係要錢㗎!我點同finance攞錢呢,同你講咗可以當evidence?

我喺度做咗年半原來呢度講咗就算,係真係得意囉, 唔使畀人black and white 的approval evidence可以同finance拎一百萬黎添置儀器?唔係呀嘛!

我真係嬲到想殺人呀,啲咁求其是但嘅公司都係做唔到落去!

我真係唔適合喺度做嘢所以拜拜啦!😠😠😠😠😠😠








2019年6月16日 星期日

準備退休~尋找退休居所

最近真係冇乜心機寫文,因為覺得周圍都係烏煙瘴氣。我個人呢不嬲比較細膽又非常之遵守規則,我見到啲嘢亂七八糟呢我就覺得好鬼忟㗎啦!

昨日適逢入電視城順便去新都城中心行下街,發現嗰度而家變到個好靚😍😍😍
去敏華食飯見到全自動化幾得意










不嬲係太興fans, 出了敏華尼個副線之後,更是一刻戀上!

新都城中心现在咁靚,我真係好後悔當年賣咗層新都城!當年我賣走係199萬,而家想買返起碼要650-670萬😣😣


尋找退休居所
宜家周圍睇緊退休之後嘅住所,今日就去咗馬鞍山大水坑站嘅曉峰灣畔昅昅,因為嗰度平靚正

我嘅要求:
1. 望到一片大海
2. 有露台
3. 向西南
4. 樓齡不超過20年
5. 500呎實呎或以上
6. 八百萬以下
7. 一定要有鐵路,近地铁站,仲唔可以離開市區太遠!
8. 屋苑式,不能單支樓

我摷勻成個hse28, 真係得曉峰灣畔合乎我要求😑😑 其實點解咁平呢😁😁因為佢係夾屋嚟嘅😆😆

老老實實我真係未睇過夾屋,所以今次都要實地考察下。起初以為好似居屋咁,去到覺得完全係同私人楼冇分別😮

























可惜今日睇呢個係西北方位,所以都係諗下睇下有冇西南方位先。

同埋唔知遲啲會唔會有機會跌,可以趁低吸納。

而家我心態係人哋恐懼我貪婪,如果嚟緊樓股大跌我一定入貨😋😋











2019年6月9日 星期日

離正式遞信仲有兩個禮拜(倒数16天)

可以離開呢間垃圾公司,我覺得好開心!🎉🎉🎉
雖然辭職就等於失業,但係都無怨無悔!我每日都喺度倒數緊幾耐可以遞信!

今日一朝早已經有好多垃圾Tcon同垃圾email等住我覆. 仲有好多垃圾問題等住我答!仲有好多無聊嘢,我覺得再做落去真係會毀壞我名声!
我啲客戶問我問題,由上年12月到而家公司都未答到我,直情覺得我公司係弱智同埋低能!

我離職之後我都好唔知好唔好介紹份工畀我朋友,好似会害左佢。

同印度人開Tcon我覺得好嬲呀, 佢哋好冇禮貌, 我唔知點樣形容好,好似當你弱智咁😤所以我好憎同印度人工作!
例如啲connection唔好,聽唔到佢一句半句,你問佢一次,佢就會話: I am saying that
但係個把聲好似好唔耐煩甘
其實我真係唔明,只不过叫佢重複一次啫,佢可以唔使加i am saying that喺前面囉!

我而家就一路喺度玩手机之後喺度慢慢覆email,同埋完全唔會去call啲新嘅客戶啦,因為我都就嚟走喇!

而家我會做嘅嘢係整返好個database等下一手容易啲睇,跟住就執好啲嘢囉,唔好開咁多個新marketing events!

私人方便又諗緊自己可以做啲乜嘢hea 工,又諗今次可以煲啲咩劇!又諗緊點樣執好間屋或者重新裝修!其實應該退休嗰幾個月會好忙,我估我過多幾個月之後可能頂唔順又返嚟搵工(之前都係甘)😆😆😆